Ons glo dat Jesus die Seun van God is en dat Hy gekom het om die Vader aan ons te openbaar as ‘n goeie Vader. Dat die Heilige Gees die derde persoon van die Godheid is en dat Hy in mense wil kom woon om ons meer te leer van Jesus. Ons glo dat ons deur die bloed van Christus met God versoen is en dat die gelowige doop Bybels is. Ons glo God se Woord is die absolute waarheid en dat mense daagliks deur die krag daarvan getransformeer kan word. Nie net tot redding nie, maar om as Geesvervulde seuns en dogters van God Sy verteenwoordigers op aarde te wees en gelykvormig aan Christus te word.
ONTVANG SY WOORD, GLO SY WOORD EN WORD VERANDER DEUR SY WOORD
Volgens 1 Thess 2:13 – Daarom dank ons God ook sonder ophou dat toe julle die Woord van God ontvang het, wat deur ons verkondig is, julle dit aangeneem het nie as die woord van mense nie, maar soos dit werklik is, as die woord van God wat ook werk in julle wat glo
